ಲೇಖನ, ಬರವಣಿಗೆ, ಮತ್ತು ಇನ್ನಷ್ಟು.....

ಬ್ರೇಕಪ್ ಆಗಿದೆ.....!!! ಹೌದು. ವಿಧಿಯಿಲ್ಲ ಒಪ್ಪಿಕೊಳ್ಳಲೇಬೇಕು. ಅವನನ್ನು ಮರೆತು ಹೊಸ ಜೀವನ ಶುರು ಮಾಡಲೇ ಬೇಕು. ಘಳಿಗೆ ಘಳಿಗೆಗೂ ನೆನಪಾಗುತ್ತಿದ್ದ ಅವನ ನೆನಪು ಈಗಿಲ್ಲ. ಆದರೆ ನನ್ನ ಪ್ರೀತಿ ನೆನೆದು ಬಹಳ ನೋವಾಗುತ್ತಿದೆ. ಪ್ರತೀ ಬಾರಿಯೂ ನಮ್ಮಿಬ್ಬರ ನಡುವೆ ಜಗಳವಾದಾಗ ನಾನೇ ಮುಂದಾಗಿ ಅವನನ್ನು ಮಾತನಾಡಿಸಿಬಿಡುತ್ತಿದ್ದೆ. ಆದರೆ ಈ ಬಾರಿ ಯಾಕೋ ಹಾಗೆ ಮಾಡಬೇಕು ಅಂತ ಅನ್ನಿಸುತ್ತಿಲ್ಲ. ಇವನೊಂದಿಗೆ ಇದ್ದು ಕಣ್ಣೀರು ಹಾಕುವುದಕ್ಕಿಂತ ದೂರಾಗುವುದೇ ಒಳ್ಳೆಯದು ಎನಿಸುತ್ತಿದೆ. ಆದರೆ ಹಾಗೆ ನಿರ್ಧಾರ ಮಾಡುವುದು ಸುಲಭ. ಅದರಂತೆ ನಡೆದುಕೊಳ್ಳುವುದು ಕಷ್ಟ. ಈ ಮನಸ್ಸೋ... ಕ್ಷಣಕ್ಕೊಂದು ಬಾರಿ ಬಣ್ಣ ಬದಲಾಯಿಸುತ್ತದೆ. ಒಮ್ಮೆ ಅವನು ಮಾಡಿದ್ದು ಸರಿ ಎಂದರೆ, ಮತ್ತೊಮ್ಮೆ ನಾನು ಮಾಡಿದ್ದೇ ಸರಿ ಎನ್ನುತ್ತದೆ. ಯಾರು ಸರಿಯೋ ಯಾರು ತಪ್ಪೋ? ನನ್ನ ಮನಸ್ಸಿಗೆ ನೋವಾದದ್ದಂತೂ ನಿಜ ತಾನೇ? ಅಂತ ಹೇಳಿಕೊಂಡು ಅದರ ಬಾಯಿ ಮುಚ್ಚಿಸುತ್ತೇನೆ. ಈಗ ಅವನ ಅನುಪಸ್ಥಿತಿಯಲ್ಲಿ ಮನಸ್ಸು ಹಿಂದೆ ನಡೆದದ್ದನ್ನೇ ನೆನೆಸುತ್ತಾ ಕೊರಗದಂತೆ ಮಾಡಲು ದಾರಿ ಹುಡುಕಬೇಕಿದೆ. ಒಮ್ಮೊಮ್ಮೆ ಈ ಮನಸ್ಸು ಸಹ ಯಾವುದೇ ವಿಲನ್ನಿಗೂ ಕಡಿಮೆ ಇಲ್ಲದ ಹಾಗೆ ಐಡಿಯಾ ಕೊಡುತ್ತದೆ. 'ಅವನಿಲ್ಲದಿದ್ರೆ ಏನಂತೆ, ಅವನಂತಹಾ ನೂರಾರು ಹುಡುಗರು ಸಿಗ್ತಾರಪ್ಪ' ಅಂತ ನಮ್ಮನ್ನೇ ಹಳ್ಳಕ್ಕೆ ಬೀಳಿಸಲು ನೋಡುತ್ತದೆ. ಆದರೆ ಯಾರನ್ನೋ ಮರೆಯಲು ನಾವು ಮತ್ಯಾರನ್ನೋ ಇಷ್ಟ ಪಡು